डॉ भीमराव अंबेडकर वर कविता | Ambedkar Kavita In Marathi

 भीममळा

मळ्यामध्ये भरला शाळू गच्च भरला

वाऱ्यासंगं शेव माझा भिरभिरला

पाखरांचा उडता मेळा

 कणसांवर झाला गाेळा

मानवता मळ्यात माझ्या

आहे बाई भीममळा

गरगर गोफण फिरते

                                रंग भरला-

धनी माझं विहिरीवरी

मोटार चाले भिरीभिरी

ऊस केळी भाजीपाला

तरारते सरसरी

पाटातलं खळखळ पाणी

                                नाद भरला-

संत्री अन मोसंबीचे

वाफे भरविते

नारळी नि लिंबोनीला

पाणी खेळवते

काम करते लवकर

                                तान्हा झोपला-

मळा माझा हिरवागार

आहे सुखाचं आगर 

भाग्यवान धनी माझा

आहे देशाचा आधार

पिकवते बुद्धधम्म

                                माझ्या भारताला-

पुढे वाचा>>>

- अशोक गायसमुद्रे