कर्तव्य पर कविता | Kartavya Kavita In Marathi

 कर्तव्य

मानवतेचे हित साधण्या

जन्म तुला वरदान रे

प्रेमभाव अंतरी असावा

ही मातृभूमीची हाक रे

अवनीवरती भारतमाता

नररत्नांची खाण रे

बोध घ्यावा इतिहासाचा

असे पुण्यक्षेत्र महान रे

इथे जगावे सहिष्णुतेने

उचनिचता सोड रे

विज्ञानावर श्रध्दा ठेवून

पाखंडी तत्वे गाड रे

दीनांसाठी व्याकुळ होऊन

अन्यायाला ठोकर रे

प्रिय भारताच्या सुखासाठी

समतेचे मार्ग अंगिकार रे

पुढे वाचा>>>

- अशोक गायसमुद्रे